Иоасаф Белгородский

Молитва Иоасафу Белгородскому, пред честными мощами святителя глаголемая

Молитва святителю, епископу Белгородскому и чудотворцу  Иоасафу  читается пред честными мощами святителя, выражает смирение и благодарность.

«О великий угодниче Божий и преславный чудотворче, святителю Иоасафе! От дальних и ближних градов и весей сошедшеся, во еже на месте подвигов твоих помолитися и многоцелебныя мощи твоя облобызати, из глубины сердца взываем к тебе: жезлом благости, якоже пастырь добрый, упаси заблудшия овцы стада Христова, во дворы Господни сия всели, огради нас от соблазна, ересей и расколов, научи во странствиях сущих горняя мудрствовати: рассеянный ум наш просвети и на путь истины направи, охладевшее сердце согрей любовию ко ближнему и ревностию ко исполнению велений Божиих, грехом и нерадением ослабленную волю нашу оживотвори благодатию Духа Всесвятаго: и да твоему пастырскому гласу последующе, сохраним в чистоте и правде души наша, и тако, Богу помогающу, Небеснаго Царствия достигнем, идеже купно с тобою воспрославим Пречестное и Великолепое Имя Отца и Сына и Духа Святаго во веки веков. Аминь.»

Добавить комментарий

Ваш e-mail не будет опубликован. Обязательные поля помечены *