Читать онлайн Канон покаянный ко Господу нашему Иисусу Христу

Канон покаянный ко Господу Иисусу Христу

Припе́в: Поми́луй мя́, Бо́же, поми́луй мя́.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Глас 6.

Ирмо́с: Я́ко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Ны́не приступи́х а́з гре́шный и обремене́нный к Тебе́, Влады́це и Бо́гу моему́; не сме́ю же взира́ти на не́бо, то́кмо молю́ся, глаго́ля: да́ждь ми́, Го́споди, у́м, да пла́чуся де́л мои́х го́рько.

О, го́ре мне́ гре́шному! Па́че все́х челове́к окая́нен е́смь, покая́ния не́сть во мне́; да́ждь ми́, Го́споди, сле́зы, да пла́чуся де́л мои́х го́рько.

Сла́ва: Безу́мне, окая́нне челове́че, в ле́ности вре́мя губи́ши; помы́сли житие́ твое́, и обрати́ся ко Го́споду Бо́гу, и пла́чися о де́лех твои́х го́рько.

И ны́не: Ма́ти Бо́жия Пречи́стая, воззри́ на мя́ гре́шнаго, и от се́ти диа́воли изба́ви мя́, и на пу́ть покая́ния наста́ви мя́, да пла́чуся де́л мои́х го́рько.

Ирмо́с: Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́.

Внегда́ поста́влени бу́дут престо́ли на суди́щи стра́шнем, тогда́ все́х челове́к дела́ облича́тся; го́ре та́мо бу́дет гре́шным, в му́ку отсыла́емым; и то́ ве́дущи, душе́ моя́, пока́йся от злы́х де́л твои́х.

Пра́ведницы возра́дуются, а гре́шнии воспла́чутся, тогда́ никто́же возмо́жет помощи́ на́м, но дела́ на́ша осу́дят на́с, те́мже пре́жде конца́ пока́йся от злы́х де́л твои́х.

Сла́ва: Увы́ мне́ великогре́шному, и́же де́лы и мы́сльми оскверни́вся, ни ка́пли сле́з име́ю от жестосе́рдия; ны́не возни́кни от земли́, душе́ моя́, и пока́йся от злы́х де́л твои́х.

И ны́не: Се́, взыва́ет, Госпоже́, Сы́н Тво́й, и поуча́ет на́с на до́брое, а́з же гре́шный добра́ всегда́ бе́гаю; но Ты́, Ми́лостивая, поми́луй мя́, да пока́юся от злы́х мои́х де́л.

Седа́лен, гла́с 6-й.

Помышля́ю де́нь стра́шный и пла́чуся дея́ний мои́х лука́вых: ка́ко отвеща́ю Безсме́ртному Царю́, или́ ко́им дерзнове́нием воззрю́ на Судию́, блу́дный а́з? Благоутро́бный О́тче, Сы́не Единоро́дный и Ду́ше Святы́й, поми́луй мя́.

Сла́ва и ны́не: Богоро́дичен

Свя́зан мно́гими ны́не плени́цами грехо́в и содержи́м лю́тыми страстьми́ и беда́ми, к Тебе́ прибега́ю, моему́ спасе́нию, и вопию́: помози́ ми́, Де́во, Ма́ти Бо́жия.

Ирмо́с: Христо́с моя́ си́ла, Бо́г и Госпо́дь, честна́я Це́рковь боголе́пно пое́т, взыва́ющи от смы́сла чи́ста, о Го́споде пра́зднующи.

Широ́к пу́ть зде́ и уго́дный сла́сти твори́ти, но го́рько бу́дет в после́дний де́нь, егда́ душа́ от те́ла разлуча́тися бу́дет: блюди́ся от си́х, челове́че, Ца́рствия ра́ди Бо́жия.

Почто́ убо́гаго оби́диши, мзду́ нае́мничу уде́ржуеши, бра́та твоего́ не лю́биши, блу́д и го́рдость го́ниши? Оста́ви у́бо сия́, душе́ моя́, и пока́йся Ца́рствия ра́ди Бо́жия.

Сла́ва: О, безу́мный челове́че, доко́ле углеба́еши, я́ко пчела́, собира́ющи бога́тство твое́? Вско́ре бо поги́бнет, я́ко пра́х и пе́пел: но бо́лее взыщи́ Ца́рствия Бо́жия.

И ны́не: Госпоже́ Богоро́дице, поми́луй мя́ гре́шнаго, и в доброде́тели укрепи́, и соблюди́ мя́, да на́глая сме́рть не похи́тит мя́ негото́ваго, и доведи́ мя́, Де́во, Ца́рствия Бо́жия.

Ирмо́с: Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Воспомяни́, окая́нный челове́че, ка́ко лжа́м, клевета́м, разбо́ю, не́мощем, лю́тым звере́м, грехо́в ра́ди порабоще́н еси́; душе́ моя́ гре́шная, того́ ли восхоте́ла еси́?

Трепе́щут ми́ у́ди, все́ми бо сотвори́х вину́: очи́ма взира́яй, уши́ма слы́шай, язы́ком зла́я глаго́ляй, всего́ себе́ гее́нне предая́й; душе́ моя́ гре́шная, сего́ ли восхоте́ла еси́?

Сла́ва: Блудника́ и разбо́йника ка́ющася прия́л еси́, Спа́се, а́з же еди́н ле́ностию грехо́вною отягчи́хся и злы́м дело́м порабо́тихся, душе́ моя́ гре́шная, сего́ ли восхоте́ла еси́?

И ны́не: Ди́вная и ско́рая помо́щнице все́м челове́ком, Ма́ти Бо́жия, помози́ мне́ недосто́йному, душе́ бо моя́ гре́шная того́ восхоте́.

Ирмо́с: Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти́: возведи́ от тли́ живо́т мо́й, Многоми́лостиве.

Житие́ на земли́ блу́дно пожи́х и ду́шу во тьму́ преда́х, ны́не у́бо молю́ Тя́, Ми́лостивый Влады́ко: свободи́ мя́ от рабо́ты сея́ вра́жия, и да́ждь ми́ ра́зум твори́ти во́лю Твою́.

Кто́ твори́т такова́я, я́коже а́з? Я́коже бо свиния́ лежи́т в калу́, та́ко и а́з греху́ служу́. Но Ты́, Го́споди, исто́ргни мя́ от гну́са сего́ и да́ждь ми́ се́рдце твори́ти за́поведи Твоя́.

Сла́ва: Воспряни́, окая́нный челове́че, к Бо́гу, воспомяну́в своя́ согреше́ния, припа́дая ко Творцу́, слезя́ и стеня́; То́й же, я́ко милосе́рд, да́ст ти́ у́м зна́ти во́лю Свою́.

И ны́не: Богоро́дице Де́во, от ви́димаго и неви́димаго зла́ сохрани́ мя́, Пречи́стая, и приими́ моли́твы моя́, и донеси́ я́ Сы́ну Твоему́, да да́ст ми́ у́м твори́ти во́лю Его́.

Душе́ моя́, почто́ греха́ми богате́еши, почто́ во́лю диа́волю твори́ши, в чесо́м наде́жду полага́еши? Преста́ни от си́х и обрати́ся к Бо́гу с пла́чем, зову́щи: милосе́рде Го́споди, поми́луй мя́ гре́шнаго.

Помы́сли, душе́ моя́, го́рький ча́с сме́рти и стра́шный су́д Творца́ твоего́ и Бо́га: А́нгели бо гро́знии по́ймут тя́, душе́, и в ве́чный о́гнь введу́т: у́бо пре́жде сме́рти пока́йся, вопию́щи: Го́споди, поми́луй мя́ гре́шнаго.

Ирмо́с: Росода́тельну у́бо пе́щь соде́ла А́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших.

Не наде́йся, душе́ моя́, на тле́нное бога́тство и на непра́ведное собра́ние, вся́ бо сия́ не ве́си кому́ оста́виши, но возопи́й: поми́луй мя́, Христе́ Бо́же, недосто́йнаго.

Не упова́й, душе́ моя́, на теле́сное здра́вие и на скоромимоходя́щую красоту́, ви́диши бо, я́ко си́льнии и млади́и умира́ют; но возопи́й: поми́луй мя́, Христе́ Бо́же, недосто́йнаго.

Сла́ва: Воспомяни́, душе́ моя́, ве́чное житие́, Ца́рство Небе́сное, угото́ванное святы́м, и тьму́ кроме́шную и гне́в Бо́жий злы́м, и возопи́й: поми́луй мя́, Христе́ Бо́же, недосто́йнаго.

И ны́не: Припади́, душе́ моя́, к Бо́жией Ма́тери и помоли́ся То́й, е́сть бо ско́рая помо́щница ка́ющимся, умо́лит Сы́на Христа́ Бо́га, и поми́лует мя́ недосто́йнаго.

Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. Тя́ превозно́сим во вся́ ве́ки.

Ка́ко не и́мам пла́катися, егда́ помышля́ю сме́рть, ви́дех бо во гро́бе лежа́ща бра́та моего́, безсла́вна и безобра́зна? Что́ у́бо ча́ю, и на что́ наде́юся? То́кмо да́ждь ми́, Го́споди, пре́жде конца́ покая́ние. (Два́жды)

Сла́ва: Ве́рую, я́ко прии́деши суди́ти живы́х и ме́ртвых, и вси́ во свое́м чи́ну ста́нут, ста́рии и млади́и, влады́ки и кня́зи, де́вы и свяще́нницы; где́ обря́щуся а́з? Сего́ ра́ди вопию́: да́ждь ми́, Го́споди, пре́жде конца́ покая́ние.

И ны́не: Пречи́стая Богоро́дице, приими́ недосто́йную моли́тву мою́ и сохрани́ мя́ от на́глыя сме́рти, и да́руй ми́ пре́жде конца́ покая́ние.

Ирмо́с: Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти; Тобо́ю же, Всечи́стая, яви́ся челове́ком Сло́во Воплоще́нно, Его́же велича́юще, с небе́сными во́и Тя́ ублажа́ем.

Ны́не к ва́м прибега́ю, А́нгели, Арха́нгели и вся́ небе́сныя си́лы, у Престо́ла Бо́жия стоя́щии, моли́теся ко Творцу́ своему́, да изба́вит ду́шу мою́ от му́ки ве́чныя.

Ны́не пла́чуся к ва́м, святи́и патриа́рси, ца́рие и проро́цы, апо́столи и святи́телие и вси́ избра́ннии Христо́вы: помози́те ми́ на суде́, да спасе́т ду́шу мою́ от си́лы вра́жия.

Сла́ва: Ны́не к ва́м воздежу́ ру́це, святи́и му́ченицы, пусты́нницы, де́вственницы, пра́ведницы и вси́ святи́и, моля́щиися ко Го́споду за ве́сь ми́р, да поми́лует мя́ в ча́с сме́рти моея́.

И ны́не: Ма́ти Бо́жия, помози́ ми́, на Тя́ си́льне наде́ющемуся, умоли́ Сы́на Своего́, да поста́вит мя́ недосто́йнаго одесну́ю Себе́, егда́ ся́дет судя́й живы́х и ме́ртвых, ами́нь.

Влады́ко Христе́ Бо́же, И́же страстьми́ Свои́ми стра́сти моя́ исцели́вый и я́звами Свои́ми я́звы моя́ уврачева́вый, да́руй мне́, мно́го Тебе́ прегреши́вшему, сле́зы умиле́ния; сраствори́ моему́ те́лу от обоня́ния Животворя́щаго Те́ла Твоего́, и наслади́ ду́шу мою́ Твое́ю Честно́ю Кро́вию от го́рести, е́юже мя́ сопроти́вник напои́; возвы́си мо́й у́м к Тебе́, до́лу пони́кший, и возведи́ от про́пасти поги́бели: я́ко не и́мам покая́ния, не и́мам умиле́ния, не и́мам сле́зы уте́шительныя, возводя́щия ча́да ко своему́ насле́дию. Омрачи́хся умо́м в жите́йских страсте́х, не могу́ воззре́ти к Тебе́ в боле́зни, не могу́ согре́тися слеза́ми, я́же к Тебе́ любве́. Но, Влады́ко Го́споди Иису́се Христе́, сокро́вище благи́х, да́руй мне́ покая́ние всеце́лое и се́рдце люботру́дное во взыска́ние Твое́, да́руй мне́ благода́ть Твою́ и обнови́ во мне́ зра́ки Твоего́ о́браза. Оста́вих Тя́, не оста́ви мене́; изы́ди на взыска́ние мое́, возведи́ к па́жити Твое́й и сопричти́ мя́ овца́м избра́ннаго Твоего́ ста́да, воспита́й мя́ с ни́ми от зла́ка Боже́ственных Твои́х Та́инств, моли́твами Пречи́стыя Твоея́ Ма́тере и все́х святы́х Твои́х. Ами́нь.

Канон покаянный ко Господу нашему Иисусу Христу

Песнь 1

Ирмос: Я́ко по сýху пешешéствовав Изрáиль, по бéздне стопáми, гони́теля фараóна ви́дя потопля́ема, Бóгу побéдную песнь пои́м, вопия́ше.

Припев: Поми́луй мя, Бóже, поми́луй мя.

Ны́не приступи́х аз грéшный и обременéнный к Тебé, Влады́це и Бóгу моемý; не смéю же взирáти на нéбо, то́кмо молю́ся, глаго́ля: даждь ми, Гóсподи, ум, да плáчуся дел мои́х гóрько.

Поми́луй мя, Бóже, поми́луй мя.

О, гóре мне грéшному! Пáче всех человéк окая́нен есмь, покая́ния несть во мне; даждь ми, Гóсподи, слéзы, да плáчуся дел мои́х гóрько.

Слава: Безýмне, окая́нне человéче, в лéности врéмя губи́ши; помы́сли житиé твоé, и обрати́ся ко Гóсподу Бóгу, и плáчися о дéлех твои́х гóрько.

И ныне: Мáти Бóжия Пречи́стая, воззри́ на мя грéшнаго, и от сéти диáволи избáви мя, и на путь покая́ния настáви мя, да плáчуся дел мои́х гóрько.

Песнь 3

Ирмос: Несть свят, я́коже Ты, Го́споди Бо́же мой, вознесы́й рог вéрных Твои́х, Блáже, и утверди́вый нас на кáмени исповéдания Твоегó.

Поми́луй мя, Бóже, поми́луй мя.

Внегдá постáвлени бýдут престóли на Суди́щи Стрáшнем, тогдá всех человéк делá обличáтся; гóре тáмо бýдет грéшным, в мýку отсылáемым; и то вéдущи, душé моя́, покáйся от злых дел твои́х.

Поми́луй мя, Бóже, поми́луй мя.

Слава: Увы́ мне великогрéшному, и́же дéлы и мы́сльми оскверни́вся, ни кáпли слез имéю от жестосéрдия; ны́не возни́кни от земли́, душé моя́, и покáйся от злых дел твои́х.

И ныне: Се, взывáет, Госпожé, Сы́н Твой, и поучáет нас на дóброе, аз же грéшный добрá всегдá бéгаю; но Ты, Ми́лостивая, поми́луй мя, да покáюся от злых мои́х дел.

Седален, глас 6-й

Помышля́ю день стрáшный и плáчуся дея́ний мои́х лукáвых: кáко отвещáю Безсмéртному Царю́, или кóим дерзновéнием воззрю́ на Сýдию, блýдный аз? Благоутрóбный Óтче, Сы́не Единорóдный и Дýше Святы́й, поми́луй мя.

Богородичен: Свя́зан мнóгими ны́не плени́цами грехóв и содержи́мь лю́тыми страстьми́ и бедáми, к Тебé прибегáю, моемý спасéнию, и вопию́: помоги́ ми, Дéво, Мáти Бóжия.

Песнь 4

Ирмос: Христо́с моя́ си́ла, Бог и Госпóдь, честнáя Цéрковь боголéпно поéт, взывáющи от смы́сла чи́ста, о Гóсподе прáзднующи.

Поми́луй мя, Бóже, поми́луй мя.

Ширóк путь зде и угóдныи́ слáсти твори́ти, но гóрько бýдет в послéдний день, егдá душá от тéла разлучáтися бýдет: блюди́ся от сих, человéче, Цáрствия рáди Бо́жия.

Поми́луй мя, Бóже, поми́луй мя.

Почтó убóгаго оби́диши, мздý наéмничу удéржуеши, брáта твоегó не лю́биши, блуд и гóрдость гóниши? Остáви ýбо сия́, душé моя́, и покáйся Цáрствия рáди Бóжия.

Слава: О, безýмныи́ человéче, докóле углебáеши, я́ко пчелá, собирáющи богáтство твоé? Вскóре бо поги́бнет, я́ко прах и пéпел: но бóлее взыщи́ Цáрствия Бóжия.

И ныне: Госпожé Богорóдице, поми́луи́ мя грéшнаго, и в добродéтели укрепи́, и соблюди́ мя, да нáглая смерть не похи́тит мя неготóваго; и доведи́ мя, Дéво, Цáрствия Бóжия.

Песнь 5

Ирмос: Бóжиим свéтом Твои́м, Блáже, ýтренюющих Ти дýши любóвию озáри, молю́ся, Тя вéдети, Слóве Бóжий, и́стиннаго Бóга, от мрáка грехóвнаго взывáюща.

Поми́луй мя, Бóже, поми́луй мя.

Воспомяни́, окая́нный человéче, кáко лжам, клеветáм, разбóю, нéмощем, лю́тым зверéм, грехóв рáди порабощéн еси́; душé моя́ грéшная, тогó ли восхотéла еси́?

Поми́луй мя, Бóже, поми́луй мя.

Трепéщут ми ýди, всéми бо сотвори́х винý: очи́ма взирáяй, уши́ма слы́шай, язы́ком злáя глагóляй, всегó себé геéнне предая́ий; душé моя́ грéшная, сегó ли восхотéла еси́?

Слава: Блудникá и разбóйника кáющася прия́л еси́, Спáсе, аз же еди́н лéностию грехóвною отягчи́хся и злым делóм поработи́хся; душé моя́ грéшная, сегó ли восхотéла еси́?

И ныне: Ди́вная и ско́рая помо́щнице всем человéком, Мáти Бóжия, помози́ мне недостóйному, душá бо моя́ грéшная того восхотé.

Песнь 6

Ирмос: Житéйское мóре, воздвигáемое зря напáстей бýрею, к ти́хому пристáнищу Твоемý притéк, вопию́ Ти: возведи́ от тли живóт мой, Многоми́лостиве.

Поми́луй мя, Бóже, поми́луй мя.

Житиé на земли́ блýдно пожи́х и дýшу во тьму предáх, ны́не ýбо молю́ Тя, Ми́лостивый Влады́ко: свободи́ мя от рабóты сея́ врáжия, и даждь ми рáзум твори́ти вóлю Твою́.

Поми́луй мя, Бóже, поми́луй мя.

Кто твори́т таковáя, я́коже аз? Я́коже бо свиния́ лежи́т в калý, тáко и аз грехý служý. Но Ты, Гóсподи, истóргни мя от гнýса сегó и даждь ми сéрдце твори́ти зáповеди Твоя́.

Слава: Воспряни́, окая́нный человéче, к Бóгу, воспомянýв своя́ согрешéния, припáдая ко Творцý, слезя́ и стеня́; Той же, я́ко милосéрд, даст ти ум знáти вóлю Свою́.

И ныне: Богорóдице Дéво, от ви́димаго и неви́димаго зла сохрани́ мя, Пречи́стая, и приими́ моли́твы моя́, и донеси́ я Сы́ну Твоéму, да даст ми ум твори́ти вóлю Его.

Кондак

Душé моя́, почтó грехáми богатéеши, почтó вóлю диáволю твори́ши, в чесóм надéжду полагáеши? Престáни от сих и обрати́ся к Бóгу с плáчем, зовýщи: Милосéрде Гóсподи, поми́луй мя грéшнаго.

Икос

Помы́сли, душé моя́, гóрький час смéрти и Стрáшный Суд Творцá твоегó и Бóга: Áнгели бо грóзнии пóймут тя, душé, и в вéчный огнь введýт: ýбо прéжде смéрти покáйся, вопию́щи: Гóсподи, поми́луй мя грéшнаго.

Песнь 7

Ирмос: Росодáтельну ýбо пещь соделá Áнгел преподóбным отрокóм, халдеи́ же опаля́ющее велéние Бóжие, мучи́теля увещá вопи́ти: благословéн еси́, Бóже отéц нáших.

Поми́луй мя, Бóже, поми́луй мя.

Не надеи́йся, душé моя́, на тлéнное богáтство и на непрáведное собрáние, вся бо сия́ не вéси кому остáвиши, но возопи́й: поми́луй мя, Христé Бóже, недостóйнаго.

Поми́луй мя, Бóже, поми́луй мя.

Не уповáй, душé моя́, на телéсное здрáвие и на скóромимоходящую красотý, ви́диши бо, я́ко си́льнии и млади́и умирáют, но возопи́й: поми́луй мя, Христé Бóже, недостóйнаго.

Слава: Воспомяни́, душé моя́, вéчное житиé, Цáрство Небéсное, уготóванное святы́м, и тьму кромéшную и гнев Бóжий злым, и возопи́й: поми́луй мя, Христé Бóже, недостóйнаго.

И ныне: Припади́, душé моя́, к Бóжией Мáтери и помоли́ся Той, есть бо скóрая Помóщница кáющимся, умóлит Сы́на Христá Бóга, и поми́лует мя недостóйнаго.

Песнь 8

Ирмос: Из плáмене преподóбным рóсу источи́л еси́ и прáведнаго жéртву водóю попали́л еси́: вся бо твори́ши, Христé, тóкмо éже хотéти. Тя превознóсим во вся вéки.

Поми́луй мя, Бóже, поми́луй мя.

Кáко не и́мам плáкатися, егдá помышля́ю смерть, ви́дех бо во грóбе лежáща брáта моегó, безслáвна и безобрáзна? Что ýбо чáю, и на что надéюся? Тóкмо даждь ми, Гóсподи, прéжде концá покая́ние. (Дважды)

Слава: Вéрую, я́ко прии́деши суди́ти живы́х и мéртвых, и вси во своéм чинý стáнут, стáрии и млади́и, влады́ки и кня́зи, дéвы и свящéнницы; где обря́щуся аз? Сего́ рáди вопию́: даждь ми, Гóсподи, прéжде концá покая́ние.

И ныне: Пречи́стая Богорóдице, приими́ недостóйную моли́тву мою́ и сохрани́ мя от нáглыя смéрти, и дáруй ми прéжде концá покая́ние.

Песнь 9

Ирмос: Бóга человéком невозмóжно ви́дети, на Негóже не смéют чи́ни áнгельстии взирáти; Тобóю же, Всечи́стая, яви́ся человéком Слóво Воплощéнно, Егóже величáюще, с небéсными вóи Тя ублажáем.

Поми́луй мя, Бóже, поми́луй мя.

Ны́не к вам прибегáю, Áнгели́, Архáнгели и вся Небéсныя Си́лы, у Престóла Бóжия стоя́щии, моли́теся ко Творцý своемý, да избáвит дýшу мою́ от мýки вéчныя.

Поми́луй мя, Бóже, поми́луй мя.

Ны́не плáчуся к вам, святи́и патриáрси, цáрие и прорóцы, апóстоли и святи́телие и вси избрáннии Христóвы: помози́те ми на судé, да спасéт дýшу мою́ от си́лы врáжия.

Слава: Ны́не к вам воздежý рýце, свя́тии мýченицы, пусты́нницы, дéвственницы, прáведницы и вси святи́и, моля́щиися ко Гóсподу за весь мир, да поми́лует мя в час смéрти моея́.

И ныне: Мáти Бóжия, помози́ ми, на Тя си́льне надéющемуся, умоли́ Сы́на Своегó, да постáвит мя недостóйнаго одеснýю Себé, егдá ся́дет судя́й живы́х и мéртвых, ами́нь.

Молитва

Влады́ко Христé Бóже, И́же страстьми́ Свои́ми стрáсти моя́ исцели́вый и я́звами Свои́ми я́звы моя́ уврачевáвый, дáруй мне, мнóго Тебé прегреши́вшему, слéзы умилéния; сраствори́ моемý тéлу от обоня́ния Животворя́щаго Тéла Твоегó, и наслади́ дýшу мою́ Твоéю Честнóю Крóвию от гóрести, éюже мя сопроти́вник напои́; возвы́си мой ум к Тебé, дóлу пони́кший, и возведи́ от прóпасти поги́бели: я́ко не и́мам покая́ния, не и́мам умилéния, не и́мам слéзы утéшительныя, возводя́щий чáда ко своемý наслéдию. Омрачи́хся умóм в житéйских страстéх, не могý воззрéти к Тебé в болéзни, не могý согрéтися слезáми, я́же к Тебé любвé. Но, Влады́ко Гóсподи Иисýсе Христé, сокрóвище благи́х, дáруй мне покая́ние всецéлое и сéрдце люботрýдное во взыскáние Твоé, дáруй мне благодáть Твою́ и обнови́ во мне зрáки Твоегó óбраза. Остáвих Тя, не остáви менé; изы́ди на взыскáние моé, возведи́ к пáжити Твоéй и сопричти́ мя овцáм избрáннаго Твоегó стáда, воспитáй мя с ни́ми от злáка Божéственных Твои́х Тáинств, моли́твами Пречи́стыя Твоея́ Мáтере и всех святы́х Твои́х. Ами́нь.

Канон покаянный ко Господу нашему Иисусу Христу на русском языке

Ирмос: Как по суше пройдя Израиль по бездне морской стопами, гнавшегося фараона видя тонущим, «Богу победную песнь воспоём,» воскликнул.

Помилуй меня, Боже, помилуй меня!

Ныне я, грешный и обременённый, к Тебе, Владыке и Богу моему приступаю; не смею взирать на небо, только молюсь: дай мне Господи ум, оплакивать дела мои горько.

Помилуй меня, Боже, помилуй меня!

О, горе мне грешному! Больше всех людей я окаянен, покаяния нет же во мне. Дай мне Господи слёзы, оплакивать дела мои горько.

Слава Отцу и Сыну и Святому Духу: Безумный, окаянный человек, в ленности время губящий, подумай о жизни своей и обратись к Господу Богу, и восплачь о делах своих горько.

И ныне и присно и во веки веков. Аминь: Мать Божия Пречистая, воззри на меня грешного и от сети дьявола избавь меня, и на путь покаяния наставь меня, и восплачу о делах своих горько.

Ирмос: Нет столь святого, как Ты, Господи Боже мой, воздвигший силу верующих в Тебя, Милосердный, и утвердивший нас на камне Завета Твоего.

Помилуй меня, Боже, помилуй меня!

Когда поставлены будут престолы на Суде Страшном, тогда всех людей обличаться дела, горе там будет грешникам на мучения отсылаемым: это зная, душа моя кайся о злых делах своих.

Помилуй меня, Боже, помилуй меня!

Праведные возрадуются, а грешные восплачут, тогда никто не сможет помочь нам, но дела наши осудят нас, поэтому прежде конца покайся от злых дел своих.

Слава Отцу и Сыну и Святому Духу: Горе мне великогрешному, делами и мыслями осквернённому, ни капли слёз не имеющему от жестокосердия; сегодня подымись от земли, душа моя, и покайся от злых дел своих.

И ныне и присно и во веки веков. Аминь: Вот, взывает Госпожа, Сын Твой, и поучает доброе творить; я же грешный избегаю всегда добра, но Ты, Милостивая, помилуй меня, да покаюсь от злых моих дел.

Думаю о страшном дне и плачу о делах моих лукавых; как отвечу Бессмертному Царю и с каким дерзновением посмотрю на Судью я, блудный? Благоутробный Отец, Единородный Сын и Дух Святой, помилуй меня.

Слава Отцу и Сыну и Святому Духу, и ныне и присно и во веки веков. Аминь

Связанный сегодня многими цепями грехов и содержим лютыми страстями и бедами, к Тебе прибегаю, моему спасению и взываю: помоги мне Дева, Матерь Божия.

Ирмос: Христос – моя сила, Бог и Господь! – Святая Церковь с благоговением громко поет, от чистого сердца празднуя Господа.

Помилуй меня, Боже, помилуй меня!

Путь здесь широк и удобен для предания сладострастью, но горько будет в последний день, когда душа от тела отлучаться будет: хранись от сего, человек, ради Царства Божьего.

Помилуй меня, Боже, помилуй меня!

Зачем обездоленного обижаешь, плату работнику не отдаёшь, брата твоего не любишь, к славе и блуду стремишься? Оставь это душа моя и покайся ради Царства Божьего.

Слава Отцу и Сыну и Святому Духу: О, безумный человек, доколе увязаешь, как пчела, собирая богатство своё? Ибо вскоре погибнет оно, как прах и пепел, лучше ищи Царства Божьего.

И ныне и присно и во веки веков. Аминь: Госпожа Богородица, помилуй меня грешного, и в добродетели укрепи и соблюди меня, да нежданная смерть не похитит меня неготового; доведи меня, Дева, до Царства Божьего.

Ирмос: Божественным светом Твоим, Милосердый, с раннего утра к Тебе обращающихся души любовью озари; молю Тебя, возбуди светлое стремление знать Тебя, Слово Божие, истинного Бога, призывающего к Себе из мрака греховного.

Помилуй меня, Боже, помилуй меня!

Вспомни окаянный человек, как лжи, клевете, разбою, немощам, лютым зверям грехов порабощён ты; душа моя грешная, этого ли хотела ты?

Помилуй меня, Боже, помилуй меня!

Трепещут мои члены, всеми сотворил грех: глазами смотрел непотребное, ушами слушал непотребное, языком вещал непотребное, всего себя геенне предал; душа моя грешная, этого ли хотела ты?

Слава Отцу и Сыну и Святому Духу: Блудницы и разбойника покаяние Ты принял, Спаситель, я же один ленью греховной обременился и злым делам поработился: душа моя грешная, этого ли хотела ты?

И ныне и присно и во веки веков. Аминь: Дивная и скорая помощница всем людям, Матерь Божия, помоги мне недостойному, душа моя грешная того хочет.

Ирмос: Житейское море видя, волнуемое бурею искушений, в тихое пристанище Твоё укрывшись, взываю к Тебе: спаси от погибели жизнь мою, Многомилостивый!

Помилуй меня, Боже, помилуй меня!

Жизнь на земле блудно прожив, и душу во тьму предав, ныне молю Тебя, Милостивый Владыка: освободи меня от сих деяний вражеских и дай мне разум творить волю Твою.

Помилуй меня, Боже, помилуй меня!

Кто творит то же, что и я? Как свинья лежит в нечистотах, так и я греху служу. Но Ты, Господи, вырви меня из зловония этого и дай мне сердце творить заповеди Твои.

Слава Отцу и Сыну и Святому Духу: Воспрянь окаянный человек к Богу, вспомнив свои согрешения и со стоном и плачем повергнись перед Творцом; Он же, Милосердный, даст тебе ум знать волю Его.

И ныне и присно и во веки веков. Аминь: Богородица Дева, от видимого и невидимого зла сохрани меня, Пречистая и прими молитвы мои, и донеси их Сыну Твоему, да даст мне ум творить волю Его.

Душа моя, зачем богатеешь грехами, зачем творишь волю дьявола, на что надежду возлагаешь? Отстранись от этого и обратись к Богу с плачем, взывая: милосердный Господи, помилуй меня грешного.

Подумай, душа моя, о горьком смертном часе и страшном суде Творца и Бога твоего: Ангелы грозные возьмут тебя, душа и в вечный огонь введут. Прежде смерти покайся, вопия: Господи, помилуй меня грешного.

Ирмос: Печь, окропляющую росою, Ангел сотворил для святых отроков, Халдеев же опаляла она Божиим повелением; мучителя-царя это убедило воскликнуть: «Благословен Ты, Боже отцов наших!»

Помилуй меня, Боже, помилуй меня!

Не надейся, душа моя, на тленное богатство и на неправедно накопленное; не знаешь кому всё это оставишь, но возопи: помилуй меня, Христе Боже, недостойного.

Помилуй меня, Боже, помилуй меня!

Не надейся, душа моя, на телесное здоровье и быстро проходящую красоту, видишь, как сильные и молодые умирают, но возопи: помилуй меня, Христе Боже, недостойного.

Слава Отцу и Сыну и Святому Духу: Вспомни, душа моя, о вечной жизни, Царстве Небесном, уготованном святым и тьме кромешной и гневе Божием злым, и возопи: помилуй меня, Христе Боже, недостойного.

И ныне и присно и во веки веков. Аминь: Припади душа моя к Божией Матери и помолись Той, Которая скорая помощница кающимся; да умолит Сына Христа Бога и помилует меня недостойного.

Ирмос: Из пламени на святых росу источил, и праведного жертву водою попалил; все совершаешь, Христос, одним хотением. Тебя превозносим во веки.

Помилуй меня, Боже, помилуй меня!

Почему не имею слёз, когда думаю о смерти, видя в гробе лежащего брата моего бесславного и безобразного? Что ожидаю и на что надеюсь? Только дай мне, Господи, прежде смерти покаяние.

Помилуй меня, Боже, помилуй меня!

Почему не имею слёз, когда думаю о смерти, видя в гробе лежащего брата моего бесславного и безобразного? Что ожидаю и на что надеюсь? Только дай мне, Господи, прежде смерти покаяние.

Слава Отцу и Сыну и Святому Духу: Верую, что придёшь судить живых и мёртвых, и все встанут в своём чине, старые и молодые, владыки и князья, девы и священники; где окажусь я? Ради этого вопию: дай мне, Господи, прежде смерти покаяние.

И ныне и присно и во веки веков. Аминь: Пречистая Богородица, прими недостойную молитву мою и сохрани меня от внезапной смерти, и даруй мне прежде конца покаяние.

Ирмос: Бога людям невозможно видеть, на Него не смеют взглянуть Ангелов полки; чрез Тебя же, Всечистая, явилось людям Слово во Плоти. Его величая, с небесными воинствами Тебя прославляем.

Помилуй меня, Боже, помилуй меня!

Ныне я к вам прибегаю Ангелы, Архангелы и все небесные силы у Престола Божия стоящие, молитесь к Творцу своему, да избавит душу мою от муки вечной.

Помилуй меня, Боже, помилуй меня!

Ныне плачу перед вами святые патриархи, цари и пророки, апостолы и святители, и все избранники Христовы: помогите мне на суде, да спасёт Христос душу мою от силы вражеской.

Слава Отцу и Сыну и Святому Духу: Ныне к вам возношу руки, святые мученики, пустынники, девственницы, праведники и все святые, молящиеся к Господу за весь мир, да помилует меня в час смерти моей.

И ныне и присно и во веки веков. Аминь: Матерь Божия, помоги мне, на Тебя сильно надеющемуся, умоли Сына Твоего, да поставит меня недостойного справа от Себя, когда сядет судить живых и мёртвых. Аминь.

Владыка Христе Боже, Своими страданиями мои страсти исцеливший и Своими язвами мои язвы уврачевавший, даруй мне, много Тебе согрешившему, слёзы покаяния; сочетай моему телу благоухание Животворящего Тела Твоего, и услади мою душу Твоей Честной Кровью вопреки горечи, которой меня супротивник напоил. Возвыси мой ум к Тебе, к земле поникший, и возведи от пропасти погибели; ибо не имею покаяния, не имею умиления, не имею слезы утешительной, возводящей сынов к своему наследству. Омрачился я умом в житейских страстях, не могу согреться слезами любви к Тебе. Но, Владыко Господи Иисусе Христе, сокровищница милосердия и доброты, даруй мне покаяние всецелое и сердце старательное в поиске Тебя. Даруй мне благодать Твою и обнови во мне отражение Твоего образа. Оставил я Тебя, не оставь меня Ты, пойди и найди меня, возведи к пастбищу Твоему и причти меня к овцам избранного Твоего стада, напитай меня с ними от злака Божественных Твоих Таинств, молитвами Пречистой Твоей Матери и всех святых Твоих. Аминь.

Канон покаянный ко Господу нашему Иисусу Христу

Глас 6-й, Песнь 1

Ирмо́с: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Припев: Помилуй мя, Боже, помилуй мя.

Ныне приступих аз грешный и обремененный к Тебе, Владыце и Богу моему; не смею же взирати на небо, токмо молюся, глаголя: даждь ми, Господи, ум, да плачуся дел моих горько.

Припев: Помилуй мя, Боже, помилуй мя.

О, горе мне грешному! Паче всех человек окаянен есмь, покаяния несть во мне; даждь ми, Господи, слезы, да плачуся дел моих горько.

Слава Отцу и Сыну и Святому Духу.

Безумне, окаянне человече, в лености время губиши; помысли житие твое, и обратися ко Господу Богу, и плачися о делех твоих горько.

И ныне и присно и во веки веков. Аминь.

Мати Божия Пречистая, воззри на мя грешного, и от сети диаволи избави мя, и на путь покаяния настави мя, да плачуся дел моих горько.

Песнь 3

Ирмо́с: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Припев: Помилуй мя, Боже, помилуй мя.

Внегда поставлени будут престоли на судищи страшнем, тогда всех человек дела обличатся; горе тамо будет грешным, в муку отсылаемым; и то ведущи, душе моя, покайся от злых дел твоих.

Припев: Помилуй мя, Боже, помилуй мя.

Праведницы возрадуются, а грешнии восплачутся, тогда никтоже возможет помощи нам, но дела наша осудят нас, темже прежде конца покайся от злых дел твоих.

Слава Отцу и Сыну и Святому Духу.

Увы мне великогрешному, иже делы и мысльми осквернився, ни капли слез имею от жестосердия; ныне возникни от земли, душе моя, и покайся от злых дел твоих.

И ныне и присно и во веки веков. Аминь.

Се, взывает, Госпоже, Сын Твой, и поучает нас на доброе, аз же грешный добра всегда бегаю; но Ты, Милостивая, помилуй мя, да покаюся от злых моих дел.

Седален, глас 6-й

Помышляю день страшный и плачуся деяний моих лукавых: како отвещаю Безсмертному Царю, или коим дерзновением воззрю на Судию, блудный аз? Благоутробный Отче, Сыне Единородный и Душе Святый, помилуй мя.

Богородичен

Слава Отцу и Сыну и Святому Духу. И ныне и присно и во веки веков. Аминь.

Связан многими ныне пленицами грехов и содержим лютыми страстьми и бедами, к Тебе прибегаю, моему спасению, и вопию: помози ми, Дево, Мати Божия.

Песнь 4

Ирмо́с: Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.

Припев: Помилуй мя, Боже, помилуй мя.

Широк путь зде и угодный сласти творити, но горько будет в последний день, егда душа от тела разлучатися будет: блюдися от сих, человече, Царствия ради Божия.

Припев: Помилуй мя, Боже, помилуй мя.

Почто убогаго обидиши, мзду наемничу удержуеши, брата твоего не любиши, блуд и гордость гониши? Остави убо сия, душе моя, и покайся Царствия ради Божия.

Слава Отцу и Сыну и Святому Духу.

О, безумный человече, доколе углебаеши, яко пчела, собирающи богатство твое? Вскоре бо погибнет, яко прах и пепел: но более взыщи Царствия Божия.

И ныне и присно и во веки веков. Аминь.

Госпоже Богородице, помилуй мя грешного, и в добродетели укрепи, и соблюди мя, да наглая смерть не похитит мя неготоваго, и доведи мя, Дево, Царствия Божия.

Песнь 5

Ирмо́с: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

Припев: Помилуй мя, Боже, помилуй мя.

Воспомяни, окаянный человече, како лжам, клеветам, разбою, немощем, лютым зверем, грехов ради порабощен еси; душе моя грешная, того ли восхотела еси?

Припев: Помилуй мя, Боже, помилуй мя.

Трепещут ми уди, всеми бо сотворих вину: очима взираяй, ушима слышай, языком злая глаголяй, всего себе геенне предаяй; душе моя грешная, сего ли восхотела еси?

Слава Отцу и Сыну и Святому Духу.

Блудника и разбойника кающася приял еси, Спасе, аз же един леностию греховною отягчихся и злым делом поработихся, душе моя грешная, сего ли восхотела еси?

И ныне и присно и во веки веков. Аминь.

Дивная и скорая помощнице всем человеком, Мати Божия, помози мне недостойному, душа бо моя грешная того восхоте.

Песнь 6

Ирмо́с: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Припев: Помилуй мя, Боже, помилуй мя.

Житие на земли блудно пожих и душу во тьму предах, ныне убо молю Тя, Милостивый Владыко: свободи мя от работы сея вражия, и даждь ми разум творити волю Твою.

Припев: Помилуй мя, Боже, помилуй мя.

Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми сердце творити заповеди Твоя.

Слава Отцу и Сыну и Святому Духу.

Воспряни, окаянный человече, к Богу, воспомянув своя согрешения, припадая ко Творцу, слезя и стеня; Той же, яко милосерд, даст ти ум знати волю Свою.

И ныне и присно и во веки веков. Аминь.

Богородице Дево, от видимаго и невидимаго зла сохрани мя, Пречистая, и приими молитвы моя, и донеси я Сыну Твоему, да даст ми ум творити волю Его.

Кондак

Душе моя, почто грехами богатееши, почто волю диаволю твориши, в чесом надежду полагаеши? Престани от сих и обратися к Богу с плачем, зовущи: милосерде Господи, помилуй мя грешнаго.

Икос

Помысли, душе моя, горький час смерти и страшный суд Творца твоего и Бога: Ангели бо грознии поймут тя, душе, и в вечный огнь введут: убо прежде смерти покайся, вопиющи: Господи, помилуй мя грешнаго.

Песнь 7

Ирмо́с: Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.

Припев: Помилуй мя, Боже, помилуй мя.

Не надейся, душе моя, на тленное богатство и на неправедное собрание, вся бо сия не веси кому оставиши, но возопий: помилуй мя, Христе Боже, недостойнаго.

Припев: Помилуй мя, Боже, помилуй мя.

Не уповай, душе моя, на телесное здравие и на скоромимоходящую красоту, видиши бо, яко сильнии и младии умирают; но возопий: помилуй мя, Христе Боже, недостойнаго.

Слава Отцу и Сыну и Святому Духу.

Воспомяни, душе моя, вечное житие, Царство Небесное, уготованное святым, и тьму кромешную и гнев Божий злым, и возопий: помилуй мя, Христе Боже, недостойнаго.

И ныне и присно и во веки веков. Аминь.

Припади, душе моя, к Божией Матери и помолися Той, есть бо скорая помощница кающимся, умолит Сына Христа Бога, и помилует мя недостойнаго.

Песнь 8

Ирмо́с: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.

Припев: Помилуй мя, Боже, помилуй мя.

Како не имам плакатися, егда помышляю смерть, видех бо во гробе лежаща брата моего, безславна и безобразна? Что убо чаю, и на что надеюся? Токмо даждь ми, Господи, прежде конца покаяние. (Дважды)

Слава Отцу и Сыну и Святому Духу.

Верую, яко приидеши судити живых и мертвых, и вси во своем чину станут, старии и младии, владыки и князи, девы и священницы; где обрящуся аз? Сего ради вопию: даждь ми, Господи, прежде конца покаяние.

И ныне и присно и во веки веков. Аминь.

Пречистая Богородице, приими недостойную молитву мою и сохрани мя от наглыя смерти, и даруй ми прежде конца покаяние.

Песнь 9

Ирмо́с: Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.

Припев: Помилуй мя, Боже, помилуй мя.

Ныне к вам прибегаю, Ангели, Архангели и вся небесныя силы, у Престола Божия стоящии, молитеся ко Творцу своему, да избавит душу мою от муки вечныя.

Припев: Помилуй мя, Боже, помилуй мя.

Ныне плачуся к вам, святии патриарси, царие и пророцы, апостоли и святителие и вси избраннии Христовы: помозите ми на суде, да спасет душу мою от силы вражия.

Слава Отцу и Сыну и Святому Духу.

Ныне к вам воздежу руце, святии мученицы, пустынницы, девственницы, праведницы и вси святии, молящиися ко Господу за весь мир, да помилует мя в час смерти моея.

И ныне и присно и во веки веков. Аминь.

Мати Божия, помози ми, на Тя сильне надеющемуся, умоли Сына Своего, да поставит мя недостойнаго одесную Себе, егда сядет судяй живых и мертвых, аминь.

Молитва

Господи Иисусе Христе, Сыне Божий, помилуй мя грешнаго.

Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели: яко не имам покаяния, не имам умиления, не имам слезы утешительныя, возводящия чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, яже к Тебе любве. Но, Владыко Господи Иисусе Христе, сокровище благих, даруй мне покаяние всецелое и сердце люботрудное во взыскание Твое, даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое, возведи к пажити Твоей и сопричти мя овцам избраннаго Твоего стада, воспитай мя с ними от злака Божественных Твоих Таинств, молитвами Пречистыя Твоея Матере и всех святых Твоих. Аминь.

Канон покаянный ко Господу нашему Иисусу Христу

Тропарь Всемилостивому Спасу, глас 8:

С вы́шних призира́я, убо́гия прие́мля, / посети́ нас, озло́бленныя грехи́, Влады́ко Всеми́лостиве, / моли́твами Богоро́дицы да́руй душа́м на́шим ве́лию ми́лость.

Канон, глас 6.

Песнь 1.

Ирмос: Я́ко по су́ху пешеше́ствовав Изра́иль, / по бе́здне стопа́ми, / гони́теля фарао́на / ви́дя потопля́ема, / Бо́гу побе́дную песнь / пои́м, вопия́ше.

Припев: Поми́луй мя, Бо́же, поми́луй мя.

Ны́не приступи́х аз гре́шный и обремене́нный / к Тебе́, Влады́це и Бо́гу моему́; / не сме́ю же взира́ти на не́бо, / то́кмо молю́ся, глаго́ля: / даждь ми, Го́споди, ум, / да пла́чуся дел мои́х го́рько.

О, го́ре мне гре́шному! / Па́че всех челове́к окая́нен есмь, / покая́ния несть во мне; / даждь ми, Го́споди, сле́зы, / да пла́чуся дел мои́х го́рько.

Слава: Безу́мне, окая́нне челове́че, / в ле́ности вре́мя губи́ши; / помы́сли житие́ твое́, / и обрати́ся ко Го́споду Бо́гу, / и пла́чися о де́лех твои́х го́рько.

И ныне: Ма́ти Бо́жия Пречи́стая, / воззри́ на мя гре́шного, / и от се́ти диа́воли изба́ви мя, / и на путь покая́ния наста́ви мя, / да пла́чуся дел мои́х го́рько.

Песнь 3.

Ирмос: Несть свят, / я́коже Ты, Го́споди Бо́же мой, / вознесы́й рог ве́рных Твои́х, Бла́же, / и утверди́вый нас на ка́мени / испове́дания Твоего́.

Припев: Поми́луй мя, Бо́же, поми́луй мя.

Внегда́ поста́влени бу́дут престо́ли на Суди́щи Стра́шнем, / тогда́ всех челове́к дела́ облича́тся; /го́ре та́мо бу́дет гре́шным, в му́ку отсыла́емым; / и то ве́дущи, душе́ моя́, / пока́йся от злых дел твои́х.

Пра́ведницы возра́дуются, а гре́шнии воспла́чутся, / тогда́ никто́же возмо́жет помощи́ нам, / но дела́ на́ша осу́дят нас, / те́мже пре́жде конца́ / пока́йся от злых дел твои́х.

Слава: Увы́ мне великогре́шному, / и́же де́лы и мы́сльми оскверни́вся, / ни ка́пли слез име́ю от жестосе́рдия; / ны́не возни́кни от земли́, душе́ моя́, / и пока́йся от злых дел твои́х.

И ныне: Се, взыва́ет, Госпоже́, Сын Твой, / и поуча́ет нас на до́брое, / аз же гре́шный добра́ всегда́ бе́гаю; / но Ты, Ми́лостивая, поми́луй мя, / да пока́юся от злых мои́х дел.

Го́споди, поми́луй, трижды.

Седален, глас 6:

Помышля́ю день стра́шный / и пла́чуся дея́ний мои́х лука́вых: / ка́ко отвеща́ю Безсме́ртному Царю́, / или́ ко́им дерзнове́нием воззрю́ на Судию́, блу́дный аз? / Благоутро́бный О́тче, Сы́не Единоро́дный / и Ду́ше Святы́й, поми́луй мя.

Слава, и ныне, Богородичен: Свя́зан мно́гими ны́не плени́цами грехо́в / и содержи́мь лю́тыми страстьми́ и беда́ми, / к Тебе́ прибега́ю, моему́ спасе́нию, и вопию́: / помози́ ми, Де́во, Ма́ти Бо́жия.

Песнь 4.

Ирмос: Христо́с моя́ си́ла, / Бог и Госпо́дь, честна́я Це́рковь / боголе́пно пое́т, взыва́ющи / от смы́сла чи́ста, о Го́споде пра́зднующи.

Припев: Поми́луй мя, Бо́же, поми́луй мя.

Широ́к путь зде и уго́дный сла́сти твори́ти, / но го́рько бу́дет в после́дний день, / егда́ душа́ от те́ла разлуча́тися бу́дет: / блюди́ся от сих, челове́че, / Ца́рствия ра́ди Бо́жия.

Почто́ убо́гаго оби́диши, / мзду нае́мничу уде́ржуеши, / бра́та твоего́ не лю́биши, / блуд и го́рдость го́ниши? / Оста́ви у́бо сия́, душе́ моя́, / и пока́йся Ца́рствия ра́ди Бо́жия.

Слава: О, безу́мный челове́че, / доко́ле углеба́еши, я́ко пчела́, собира́ющи бога́тство твое́? / Вско́ре бо поги́бнет, я́ко прах и пе́пел: / но бо́лее взыщи́ Ца́рствия Бо́жия.

И ныне: Госпоже́ Богоро́дице, поми́луй мя гре́шного, / и в доброде́тели укрепи́, и соблюди́ мя, / да на́глая смерть не похи́тит мя негото́ваго, / и доведи́ мя, Де́во, Ца́рствия Бо́жия.

Песнь 5.

Ирмос: Бо́жиим / све́том Твои́м, Бла́же, / у́тренюющих Ти ду́ши / любо́вию озари́, молю́ся, / Тя ве́дети, Сло́ве Бо́жий, / и́стиннаго Бо́га, / от мра́ка грехо́внаго взыва́юща.

Припев: Поми́луй мя, Бо́же, поми́луй мя.

Воспомяни́, окая́нный челове́че, / ка́ко лжам, клевета́м, разбо́ю, не́мощем, лю́тым звере́м, / грехо́в ра́ди порабоще́н еси́; / душе́ моя́ гре́шная, того́ ли восхоте́ла еси́?

Трепе́щут ми у́ди, все́ми бо сотвори́х вину́: / очи́ма взира́яй, уши́ма слы́шай, язы́ком зла́я глаго́ляй, / всего́ себе́ гее́не предая́й; / душе́ моя́ гре́шная, сего́ ли восхоте́ла еси́?

Слава: Блудника́ и разбо́йника ка́ющася прия́л еси́, Спа́се, / аз же еди́н ле́ностию грехо́вною отягчи́хся / и злым дело́м порабо́тихся, / душе́ моя́ гре́шная, сего́ ли восхоте́ла еси́?

И ныне: Ди́вная и ско́рая помо́щнице всем челове́ком, Ма́ти Бо́жия, / помози́ мне недосто́йному, / душа́ бо моя́ гре́шная того́ восхоте́.

Песнь 6.

Ирмос: Жите́йское мо́ре, / воздвиза́емое зря напа́стей бу́рею, / к ти́хому приста́нищу Твоему́ прите́к, вопию́ Ти: / возведи́ от тли живо́т мой, / Многоми́лостиве.

Припев: Поми́луй мя, Бо́же, поми́луй мя.

Житие́ на земли́ блу́дно пожи́х / и ду́шу во тьму преда́х, / ны́не у́бо молю́ Тя, Ми́лостивый Влады́ко: / свободи́ мя от рабо́ты сея́ вра́жия, / и даждь ми ра́зум твори́ти во́лю Твою́.

Кто твори́т такова́я, я́коже аз? / Я́коже бо свиния́ лежи́т в калу́, / та́ко и аз греху́ слу́жу. / Но Ты, Го́споди, исто́ргни мя от гну́са сего́ / и даждь ми се́рдце твори́ти за́поведи Твоя́.

Слава: Воспряни́, окая́нный челове́че, к Бо́гу, / воспомяну́в своя́ согреше́ния, / припа́дая ко Творцу́, слезя́ и стеня́; / Той же, я́ко милосе́рд, / даст ти ум зна́ти во́лю Свою́.

И ныне: Богоро́дице Де́во, / от ви́димаго и неви́димаго зла сохрани́ мя, Пречи́стая, / и приими́ моли́твы моя́, / и донеси́ я́ Сы́ну Твоему́, / да даст ми ум твори́ти во́лю Его́.

Го́споди, поми́луй, трижды. Сла́ва, и ны́не:

Кондак, глас 6:

Душе́ моя́, / почто́ греха́ми богате́еши, / почто́ во́лю диа́волю твори́ши, / в чесо́м наде́жду полага́еши? / Преста́ни от сих / и обрати́ся к Бо́гу с пла́чем, зову́щи: / милосе́рде Го́споди, поми́луй мя гре́шнаго.

Помы́сли, душе́ моя́, го́рький час сме́рти / и стра́шный суд Творца́ твоего́ и Бо́га: / А́нгели бо гро́знии по́ймут тя, душе́, / и в ве́чный огнь введу́т: / у́бо пре́жде сме́рти пока́йся, вопию́щи: / Го́споди, поми́луй мя гре́шнаго.

Песнь 7.

Ирмос: Росода́тельну у́бо пещь / соде́ла А́нгел / преподо́бным отроко́м, / халде́и же опаля́ющее / веле́ние Бо́жие, / мучи́теля увеща́ вопи́ти: / благослове́н еси́, Бо́же оте́ц на́ших.

Припев: Поми́луй мя, Бо́же, поми́луй мя.

Не наде́йся, душе́ моя́, / на тле́нное бога́тство и на непра́ведное собра́ние, / вся бо сия́ не ве́си кому́ оста́виши, но возопи́й: / поми́луй мя, Христе́ Бо́же, недосто́йнаго.

Не упова́й, душе́ моя́, на теле́сное здра́вие / и на скоромимоходя́щую красоту́, / ви́диши бо, я́ко си́льнии и млади́и умира́ют; но возопи́й: / поми́луй мя, Христе́ Бо́же, недосто́йнаго.

Слава: Воспомяни́, душе́ моя́, ве́чное житие́, / Ца́рство Небе́сное, угото́ванное святы́м, / и тьму кроме́шную и гнев Бо́жий злым, и возопи́й: / поми́луй мя, Христе́ Бо́же, недосто́йнаго.

И ныне: Припади́, душе́ моя́, к Бо́жией Ма́тери и помоли́ся Той, / есть бо ско́рая помо́щница ка́ющимся, / умо́лит Сы́на Христа́ Бо́га, / и поми́лует мя недосто́йнаго.

Песнь 8.

Ирмос: Из пла́мене преподо́бным ро́су источи́л еси́ / и пра́веднаго же́ртву водо́ю попали́л еси́: / вся бо твори́ши, Христе́, то́кмо е́же хоте́ти. / Тя превозно́сим во вся ве́ки.

Припев: Поми́луй мя, Бо́же, поми́луй мя.

Ка́ко не и́мам пла́катися, егда́ помышля́ю смерть, / ви́дех бо во гро́бе лежа́ща бра́та моего́, безсла́вна и безобра́зна? / Что у́бо ча́ю, и на что наде́юся? / То́кмо даждь ми, Го́споди, / пре́жде конца́ покая́ние. [Дважды]

Слава: Ве́рую, я́ко прии́деши суди́ти живы́х и ме́ртвых, / и вси во свое́м чи́ну ста́нут, / ста́рии и млади́и, влады́ки и кня́зи, де́вы и свяще́нницы; где обря́щуся аз? / Сего́ ра́ди вопию́: / да́ждь ми, Го́споди, пре́жде конца́ покая́ние.

И ныне: Пречи́стая Богоро́дице, / приими́ недосто́йную моли́тву мою́ / и сохрани́ мя от на́глыя сме́рти, / и да́руй ми пре́жде конца́ покая́ние.

Песнь 9.

Ирмос: Бо́га / челове́ком невозмо́жно ви́дети, / на Него́же не сме́ют чи́ни А́нгельстии взира́ти; / Тобо́ю же, Всечи́стая, яви́ся челове́ком / Сло́во Воплоще́нно, / Его́же велича́юще, / с небе́сными во́и Тя ублажа́ем.

Припев: Поми́луй мя, Бо́же, поми́луй мя.

Ны́не к вам прибега́ю, / А́нгели, Арха́нгели и вся небе́сныя си́лы, / у Престо́ла Бо́жия стоя́щии, / моли́теся ко Творцу́ Своему́, / да изба́вит ду́шу мою́ от му́ки ве́чныя.

Ны́не пла́чуся к вам, / святи́и патриа́рси, ца́рие и проро́цы, / апо́столи и святи́телие и вси избра́ннии Христо́вы: / помози́те ми на суде́, / да спасе́т ду́шу мою́ от си́лы вра́жия.

Слава: Ны́не к вам воздежу́ ру́це, / святи́и му́ченицы, пусты́нницы, де́вственницы, пра́ведницы / и вси святи́и, моля́щиися ко Го́споду за весь мир, / да поми́лует мя в час сме́рти моея́.

И ныне: Ма́ти Бо́жия, помози́ ми, / на Тя си́льне наде́ющемуся, / умоли́ Сы́на Своего́, / да поста́вит мя недосто́йнаго одесну́ю Себе́, / егда́ ся́дет судя́й живы́х и ме́ртвых. Ами́нь.

Молитва:

Влады́ко Христе́ Бо́же, И́же страстьми́ Свои́ми стра́сти моя́ исцели́вый и я́звами Свои́ми я́звы моя́ уврачева́вый, да́руй мне, мно́го Тебе́ прегреши́вшему, сле́зы умиле́ния; сраствори́ моему́ те́лу от обоня́ния Животворя́щего Те́ла Твоего́, и наслади́ ду́шу мою́ Твое́ю Честно́ю Кро́вию от го́рести, е́юже мя сопроти́вник напои́; возвы́си мой ум к Тебе́, до́лу пони́кший, и возведи́ от про́пасти поги́бели: я́ко не и́мам покая́ния, не и́мам умиле́ния, не и́мам слезы́ уте́шительныя, возводя́щия ча́да ко своему́ насле́дию. Омрачи́хся умо́м в жите́йских страсте́х, не могу́ воззре́ти к Тебе́ в боле́зни, не могу́ согре́тися слеза́ми, я́же к Тебе́ любве́. Но, Влады́ко Го́споди Иису́се Христе́, сокро́вище благи́х, да́руй мне покая́ние всеце́лое и се́рдце люботру́дное во взыска́ние Твое́, да́руй мне благода́ть Твою́ и обнови́ во мне зра́ки Твоего́ о́браза. Оста́вих Тя, не оста́ви мене́; изы́ди на взыска́ние мое́, возведи́ к па́жити Твое́й и сопричти́ мя овца́м избра́ннаго Твоего́ ста́да, воспита́й мя с ни́ми от зла́ка Боже́ственных Твои́х Та́инств, моли́твами Пречи́стыя Твоея́ Ма́тере и всех святы́х Твои́х. Ами́нь.